Keukelderiej in ’n kerststal biej ‘n Kreenk

AMBT DELDEN - ’n Kreenk hef de primeur! Nit per oongeluk netuurlijk: medeschriefster/spölster Vera Wiefferink was joarenlaank oonze secretaresse. ’t Bliejspel wordt op-evoerd duur Vera en Jos Brummelhuis. Het geet oaver grote en kleane problemen van ne pastoor en ziene hoesheuldster dee met de kasdage ne niejen karststal trechte mutten maken. De leu oet de zale doot ook met. Hoe det kan? Gewoon kommen! 

 

Wiefferink en Brummelhuis probeert mut eur producties aaltied te loaten zeen wat de wearde van oonze modersproake is. Vera Wiefferink löt dat ook zeen in eur one-womanoptreadens biej alle meugelijke geleagenheden in Twente. Jos Brummelhuis koomp oet het oonderwies en is theaterdoceant in ziene eagen oondernemming.

 

Doatum: 19 november, 20.00 uur in Café-Restaurant 't Hoogspel, Bornsestroat 1, Ambt Delden

Kreenkleden: 3 euro + ne komme koffie

Gasten: 5 euro + ne komme koffie. A’j lid wordt van ’n Kreenk krie’j dreks 2 euro korting + een abonnement op ’n Niejn Bodbreef

 

Alleman mear as welkom. Wiej hebt ‘r oe geane biej!